是但搵間餐廳食完野之後去左某豪宅會所book左房試酒
Lagavulin想試好耐終於有機, Glenlivet 12因為太普通亦都冇朋友入
甚至Bowmore 17再試亦都有新發現
N: 香草, 蜜糖, 微量花香, 比起鹿仔黎講聞落佢個酒精感重些少
P: 非常溫和易入口, 同上面差唔多, 好典型既speyside, 略嫌冇力
F: 普通唔太長, 淡源既香氣, 微辛
價錢抵玩, 入門ok, 無長處亦無大過, 印象唔深
SLYRS NAS (Single Malt from Germany), 43%alc
N: 味道幾濃而有別於平時既whisky, 好新同埋幾重既木味, 少少甜
P: 入口比想像中辣少少, 算幾有力, 都係木桶為主, 可能有d nuts?
F: 依個比較短, 冇乜留低, 但飲完仍然覺得個香氣唔錯
4x歐羅都可以一試, 聞落好好, young & refreshing
Bowmore 17 years, 43%alc
N: 少少甜香, 皂水, 適中既泥煤 & 煙燻, 海藻
P: creamy, 微甜, 泥煤再強左d, 皂水, 複雜度幾高, 少許特別...或者奇怪
F: 泥煤, 灰燼, 長度ok, 尾段個皂味冇咁勁, 正正常常
開左一排個皂水變得易接受d, 岩岩果日陣味真係主導曬....
想知乜係番皂味就試下, 但真係唔係人人接受, 依支野出左3次聚會仲有大半支....
余市 15 years, 45%alc
N: 香甜, 泥煤(比12年重好多), 淡煙燻, 少少sherry, 感覺幾好
P: 好順口, 有d蜜糖&果甜, 木桶, 泥煤, 力度唔算話好勁但足夠
F: 微弱既泥煤, 甜甜地, 好細緻, 長度唔錯
聞落第一個印象係弱化版既islay風格, 慢慢再出其他野,
尾段就愈來愈似返日本野, 複雜既味道包實你既味蕾
Lagavulin 16 years, 43%alc
N: 泥煤 & 煙燻, 香草, 少少海風, 典型既islay, 幾香
P: 同上面太約都係咁, 多左d甜, 少少清涼既薄荷
F: 泥煤, 烤烘食物, 個鹹味出返d, 適中既長度
各方面都幾平衡, 比起其他islay廠亦都屬適中, ok好飲, 但冇想像中咁正
Laphroaig Triple Wood, 48%alc
N: 泥煤, 煙, 少少海風, 而係依d佢本身都好明顯既野以上加埋sherry
P: strong, 泥煤, 的確多左d甜味, 亦多d木桶既感覺, 但仍然好laphroaig
F: 中~長既結尾, 泥煤為主, 少少朱古力?
quarter cask過多次雪莉桶好似未必係一個好既主意, 甜味唔太夾我覺得
本身已經好夠, 雖未至於話畫蛇添足, 但冇想像中咁好
今次突然幾位成員有野忙出現唔到, 希望下個月多返d野試
沒有留言:
張貼留言