依支似威士忌定係燒酎??

岩岩去日本旅行真係大豐收, 林林種種既酒帶左十一支,
街程只係一半已經爆曬quota, 最後不得不飲左部分先返。

而戰利品入面有2支比我既感覺好奇怪...
分別係 千年之眠麥燒酎 同埋 膳whisky

先講下燒酎, 一般黎講都係廿五到三十度酒,
但亦都有部分係去到成40%, 並且再經過長時間入桶熟成
如果咁岩又係用麥做原料的話同威士忌應該都幾相似
其中就包括依個好似號稱幻之燒酎之一既「百年の孤独」
個名聽落係幾勁, 但是亦都太出名炒到太貴, 所以都係冇揀到

雖然失去了扮野的機會, 但我都唔會就咁放棄!
最後係同類入面搵左 千年の眠 依支平一大截既酒
 

開果時都幾緊張下, 慢慢解開依個懶係古老既紙包裝
終於露出入面既玻璃樽, 聞一聞真係期望愈大失望愈大

本格燒酎 千年の眠り (長期熟成麥燒酎), 40%alc
C: 好淺既淡金色, 的確係似返燒酎
N: 係就係似威士忌, 不過係我唔多喜愛既美國野, 但就冇咁強, 香草
P: 入口少少甜, D味唔係好集中, 仍然係似弱化左既美國威,
F: 味道就冇乜番低係口腔, 但呼吸淨返個淡淡香草味幾OK
雖然有D似美國野但係質素黎講都OK, 唔會有D濃得黎好唔自然既味道

係咪應該慶幸冇買到百年の孤独呢? 果支既話成8舊水...而家就2百幾
真係依類燒酎唔岩我口味定係依支唔夠好? 依個已經冇乜興趣去考究了

之後就到支膳WHISKY, 依支係SUNTORY出既低端產品
我依支600ML既都只係千2YEN, 而且仲有2.7L膠樽裝...
 

號稱100%使用二條出產既大麥, 同佢本身間廠有D分別
日本威冇記錯的話多數係用入口麥芽的, 而且佢係用大麥定麥芽我亦唔清楚
而且依支野只係經過一次蒸餾, 一般黎講WHISKY都係會2~3次再希釋

就咁睇製造過程係近似於燒酎的, 可能只係掛一個威士忌既名
伕完覺得都如佢所言可以配下和食既...真係當燒酎?

SUNTORY WHISKY 膳, 40%alc
C: 正常威士忌既琥珀色, 冇SHERRY果種深, 似有D年份
N: 酒精感算重, 微弱既梨, 少少麥味
P: 口感幾CREAMY, 易入口, 味道桀去麥芽冇乜, 少少SPICY, 好簡單
F: 頗清新, 但短暫既結尾
比較乾淨, 簡單, 唔似得WHISKY咁複雜, 淡, 但平時粗飲可以一試既..