今年5月尾依個比起上年11月HKTDC搞果個好似多返好多係烈酒
我一早mark低左d威士忌既攤位...不過入場竟然係冇地圖拎的
最後兜兜轉轉兩日都比我搵到曬之前果o的, 而且仲有不少驚喜
由於係酒展唔好期望有太詳細既tasting note...
Ian Macleod Distillers Limited
首先係依個Ian Macleod, 都一個幾大既蒸餾集團, 除左有自己既廠出single malt,
仲有出blended, 買人地o的桶入樽, 連其他烈酒都有做
Glengoyne: 12 years, 12 years cask strength, 17 years, 21 years
嘩一次過試曬佢成條基本line 雖然17我本身都有支
Glengoyne比較特別可能會係佢個蘋果既感覺, 係以上幾款都可以感覺得到
12年 感覺上係波本桶既影響比較多, 唔會話好重果香反而係少少蜂蜜既hints
入口都幾順, 蘋果既味道, 少少甜, 飲得出高地既風格, 但淡左o的唔係幾夠力
結尾都係淡香甜, 但時間唔算長
17年 開始雪莉桶既影響大返o的, 一黎就較清新既蘋果, 梨之類感覺, 舒服既甜品感覺
味道黎講算係幾豐富, 除左延續返聞到既感覺之後, 甜味慢慢再放大返少少, 層次分明
飲完果同木桶既香甜比到一個幾好既印象人, 適中長度, 但整體黎講支酒好飲但唔突出
21年 聞落比起17好似香味內歛o的, 辛辣既感覺反而多左...
飲落就醇好多, 再濃o的既雪莉, 比17年再多左拖肥糖感覺, 但43%入樽就好似唔多夠勁...
餘蘊黎講都ok, 繼續都係好rich既果
比起預期就差左o的, 尤其係貴過17年咁多...性價比低左少少
12年cask strength 就真係好正, 原酒既爆發力真係非常既強大, 第2日臨走係咁斟黎飲
香方面表現非常好. 真係隔開遠左都仍然聞得到, 好明顯既蘋果同埋少少既拖肥
原酒刺激度好高, 入口即時搶佔你既味蕾, 其實都幾甜下, 但幾清新唔會話辣到冇曬味
加少少水之後再飲味道又有新變化, 雖然冇之前咁勁, 但比原本12年都正
結尾黎講長過其他幾支好多, 雖然其他唔係原酒根本冇得比....香味既麥味~
4支入面我最鍾意依支, 價錢仲要平17年幾多下...不過香港冇入
Smokehead Islay Single Malt
n: peat&煙都好強但又未到ardbeg咁誇, 勁得黎好香好舒服, 仲有少少海風同柑橘
p: 好典型既艾雷島感覺慢慢佈滿你成個口腔, 好豐富既口感, 強勁既泥煤中帶少少甜
n: 非常綿長既finishing, peaty & smoky again & again
依支citysuper好似有得賣, 價錢唔記得, 無年份酒黎講佢真係表現好好
Smokehead 18 years
n: 聞落唔同左好多, 陳年耐左之後d peat味收埋曬....醇左少少之外冇乜幾多剩
p: 入黎講除左peat亦都多左少少其他既味道, 平衡唔錯但唔係預期中想要既野
f: 淡淡地既煙味, 亦都係唔夠冇年份吸引.....
雖然真係o係間檔傾左好耐人地先係檯底拎少少sample出黎, 但有d失望。
King Robert 12 years single malt
依支人地話諗住用黎打入台灣超市d低檔市場, ~hkd200$, 味道ok, 不過不失
single malt同平時果隻king robert II個分別都真係幾大, 不過香港應該都唔會入
Ian Macleod 21 years blended scotch whisky, 40%alc
last day差唔多走睇下仲有冇咩特別野未試時搵到
依個連果度做條友都唔清楚係乜, 佢個brand下面太多條line...
香味感覺唔錯, 偏簡單, 入口淡左o的, 但我自己就冇乜飲blended, 佢就話好過皇家禮炮21少少
沒有留言:
張貼留言